Pơhiăp amăng mông bưp ƀô̆ mơta, Khua git gai Ping gah dêh čar djă pioh, bơni hơdôm bôh tơhnal, gum hơgôp yôm phăn mơ̆ng khul pơgang Rơnuk rơnua kơđi čar hơdôm hrơi rơgao. Lăi rơđah bruă jao phun pơ̆ anăp anai, Khua git gai Ping gah dêh čar rơkâo abih bang khul tŭ ư hrŏm thâo rơđah, lăng yôm bruă gơgrong amăng pơgang Ping gah, pơgang rơnuk rơnua bruă kơđi čar, pơgang phun akha tơlơi pơmin hăng tơlơi gum hrŏm hơbit amăng lŏn ia.

Hrŏm hăng anun, khom hmao pơsit jơlan gah tơlơi lăi nao, gơgrong bŏng glăi hơdôm tơlơi pơčeh ča, pơjing tơlơi djơ̆ hrŏm amăng tơlơi pơmin, bruă mă amăng abih bang Ping gah, abih bang mơnuih ƀôn sang, abih bang khul ling tơhan, djru hơkrŭ đĭ pran gum hrŏm hơbit abih bang djuai ania hăng kơtưn pran đăo kơnang mơ̆ng mơnuih ƀôn sang hăng Ping gah, Kơnuk kơna./.