Amăng 5 hrơi, Khua git gai Ping gah dêh čar hmâo laih rơbêh kơ 40 mơta bruă mă hăng hơdôm bruă bơkơtuai, jơnum, pơbưp, lăi pơthâo nao rai hăng ƀing khua mua, lăi nao hơdră bruă, pơbưp mơnuih Việt Nam pơ̆ 2 bôh dêh čar hăng čuă sa dua anih anom bơwih ƀong, bôh thâo đưm. Ƀrô djơ̆ tal anai, hơdôm ding jum, gơnong bruă, tơring čar, ƀôn prong, anom bơwih ƀong Việt Nam hăng dua bôh dêh čar hmâo kĭ pơkôl lu bruă gum hrŏm amăng lu mơta bruă, amăng anun hmâo bruă pơtô pơhrăm, pơgang ƀing ngă soh găn rơgao lu dêh čar, akan hơdang, bơwih ƀong mrô, pơplih mrô, pơplih mơtah, prăk kak.

Hlâo kơ anun, amăng yang hrơi dŏng lơ 13/3, Khua git gai Ping gah dêh čar ơi Tô Lâm hmâo nao pơhmư̆ hăng đĭ pơhiăp amăng mông bơkơtuai bruă bơwih ƀong Việt Nam hăng Singapore hăng anăn ñu “Việt Nam - Anih nao mơ̆ng rơnuk phrâo bôh thâo phrâo măi mok hăng gum hrŏm prăk kak”, hăng tơlơi gum hrŏm mơ̆ng giăm truh 100 bôh anom bơwih ƀong 2 bôh dêh čar. Khua git gai Ping gah dêh čar ta brơi thâo, pơ̆ anăp anai Việt Nam đing nao dong ngă pơhưč hơdôm rơwang bruă FDI gah bruă kơsem min bôh thâo măi mok, pơplih mrô pơčeh phrâo kơsem min hăng pơđĭ kyar, bơwih ƀong mơtah, bơwih ƀong mrô, pơplih mrô, apui yua hơdjă./.