
Khua git gai Ping gah dêh čar pơdah pran jua bơni hăng pơsit yôm hơdôm gum hơgôp mơ̆ng ơi Assomo amăng bruă pơgang hăng ngă tui gru grua bôh thâo đưm Việt Nam. Khua git gai Ping gah dêh čar pơtŏng sit, Việt Nam amra mut hrŏm dơlăm dong amăng tơlơi hơdip mơda jar kơmar, djru klă kơ tơlơi rơnuk rơnua, pơđĭ kyar kơjăp phik hăng gum hrŏm đơ đam rŏng lŏn tơnah.

Việt Nam amra lăi pơthâo tơlơi găn rơgao pơgang gru grua hăng gum hrŏm klă amăng hơdôm bruă mă mơ̆ng UNESCO. Khua git gai Ping gah dêh čar rơkâo Anom wai lăng gru grua rŏng lŏn tơnah gum hrŏm hăng Việt Nam dong amăng lăi pơhưč nua yôm bôh thâo đưm hăng ngă giong hră pơ-ar djru akô̆ pơjing Điện Kính Thiên ƀơi anih djă pioh gru grua Hoàng Thành Thăng Long, tañ lăi pơthâo kơ UNESCO pel ĕp, tŭ yap./.
Viết bình luận