Ƀơi mông tŭ jum, Khua plơi prong Vientiane, ơi Athsaphangthong Siphandone pơdah pran jua bơni biă mă ƀơi anăp tơlơi pơđĭ kyar hmar mơ̆ng plơi prong jưh jom Hà Nội djop mơta. Laih dơ̆ng lăi pơthâo klah čun tơlơi pơhing pơđĭ kyar plơi prong jưh jom Vientiane, khua plơi prong lăi, tơlơi bơwih ƀong huă pơđĭ kyar rim thun 4,3%, rơnoh pơhrui glăi pơkă rim mơnuih sa thun năng ai 5.500 USD. Amăng 9 blan thun anai, Vientiane ngă giong tơhnal pơkă pơhrui prăk jia sa thun, anăp nao rơnoh đĭ hloh 20% hnong pơkă thun anai.

Khua git gai ping gah ƀôn prong Hà Nội, ơi Đinh Tiến Dũng rơkâo, plơi prong jưh jom Vientiane sem glăi, ngă tui hơdôm pok hră pơkôl mơ̆ng dua bơnah plơi prong jưh jom thun blan rơgao, laih dơ̆ng pơtrut djop kuân, tơring glông dua bơnah pok pơhai ngă tui dơ̆ng bruă pơkôl ngă hrŏm hăng lăi pơtong, bruă ngă hrŏm kơplah wah Hà Nội hăng Vientiane khom gir run ngă djơ̆ gru tơhnal pơkă tui hăng tơlơi pơkă kơ djop tơring čar, ƀôn prong Việt Nam hăng Lao, djru hrŏm sit nik kơ bruă ngă giăng mah dua bơnah ping gah, dua boh dêh čar.