Tŭ jum Khua anih jưh pơ ala kơ dêh čar Sri Lanka, Khua git gai Ping gah, Khua mir sir dêh čar ta đăo kơnang hăng tơlơi găn rơgao mơ̆ng sa čô khua ding jum pơtom hiăp juăt bruă hăng thâo hluh kơ kual, Khua anih jưh amra hmâo lu tơlơi gum hơgôp sit nik kơ bruă pơtrut tơlơi rô nao rai Việt Nam – Sri Lanka pơđĭ kyar klă hiam. Tŭ ư hăng hơdôm tơlơi pơsit kơ jơlan gah pơđĭ kyar tơlơi rô nao rai dua bôh dêh čar amăng hơdôm hrơi pơ̆ anăp mơ̆ng Khua anih jưh, Khua git gai Ping gah, Khua mir sir dêh čar ta lăi lĕ khom đing nao pơtrut kơtưn đĭ tơlơi đăo kơnang bruă kơđi čar; hơdôm bruă pơplih nao rai grŭp hyu čuă hăng pơbưp gưl dlông hăng hơdôm gưl.

Amăng hrơi anai mơn, tŭ jum 14 čô Khua anih jưh pơ ala rai mă bruă lăi pơthâo hră dêh čar mơ-ĭt,  Khua git gai Ping gah, Khua mir sir dêh čar ta ơi Tô Lâm čang rơmang ƀing Khua anih jưh pơ ala amăng rơwang dô̆ mă bruă amra ngă klă bruă pô “jơlan tô nao rai’ giăng mah hăng gum hrŏm, bư̆ bôr hăng pơđĭ kyar hloh dong tơlơi rô nao rai kơplah wah Việt Nam hăng hơdôm bôh dêh čar mơ̆ ƀing khua pơ ala anih jưh pô pơ ala; hrŏm hăng anun pơtŏng sit, Việt Nam amra ngă gal brơi pioh ƀing Khua anih jưh ngă giong klă bruă jao./.