Amăng mông bưp, Khua git gai Ping gah, Khua mir sir pơlăi nao rai hơdôm tơlơi pơsit, lăng nao tong ten mơng Khua čih pioh sang gum hơbit djop dêh čar kơ bruă amăng jar kmar hăng hơdôm tơlơi lông mơng djop mơta mơ̆ jar kmar glăk bưp ră anai. Khua git gai Ping gah, Khua mir sir pơpŭ bơni tơlơi gum djru mơng hơdôm grup amăng sang gum hơbit djop dêh čar amăng bruă rŭ pơdong glăi anŏ răm rai yua hơjan kơthel ngă. Khua git gai Ping gah, Khua mir sir rơkâo Khua čih pioh sang gum hơbit djop dêh čar tŏ tui đing nao pơtrut amăng djop mơta bruă ngă hrŏm hơmâo pơplih pơkra apui lơtrik, pơplih mơtah, pơplih mrô, pơjing glông wai lăng yua boh thâo phrâo…amăng anun, đing nao hơdôm tơlơi dưi mơng hơdôm boh dêh čar glăk pơđĭ kyar, hơmâo wŏt Việt Nam.
Ơi Guterres bơni hăng lăng yôm tơlơi mut hrŏm pơgôp hiăp mơng Việt Nam amăng hơdôm anom bruă akŏ phun, kah hăng amăng djop mơta bruă đing nao mơng sang gum hơbit djop dêh čar, sit biă ñu kơ bruă pơgang rơnuk rơnua, ngă tui hơdôm hơnong pơkă pơđĭ kyar hơđong kjăp, bong glăi ayuh hyiăng pơplih sat.
Viết bình luận