Đĭ pơhiăp amăng mông bưp, Khua git gai Ping gah, Khua mir sir ơi Tô Lâm pơsit tong, tơdơi kơ akŏ pơjing, bruă jao mơng Khul git gai lĕ pơphô bruă, git gai pok pơhai hơdôm tơlơi črâo trun mơng Ping gah, kơnuk kơna kiăng pơhlôm hơđong bruă kơđi čar, pơtrut pơđĭ kyar, pơhlôm rơnuk rơnua, hơđong amăng kual Dap kơdư. Pơpŭ bơni hăng hơdor tơngia ƀing apăn bruă hơđăp amăng anom bruă Khul git gai kual Dap kơdư amăng djop rơnuk, ƀu hŭi tơnap tap, kiăo tui lăng ƀơi ƀon lan, pơgiong klă bruă mơ̆ Ping gah, Kơnuk kơna jao brơi; Khua git gai Ping gah, Khua mir sir ơi Tô Lâm čang rơmang tŏ tui gru hơdip mơng mơnuih apăn bruă amăng Khul git gai kual Dap kơdư, tŏ tui jê̆ giăm mơnuih ƀôn sang, hluh rơđah, lăng yôm, glăm ba bruă mă hăng mơnuih ƀôn sang.

Hăng pran đăo gơnang hăng tơlơi găn rơgao mơng gơñu, tŏ tui pơgôp brơi gưl Ping gah, gong gai ƀon lan, tŏ tui jing tơlơi tơkuh nao rai kơplah wah Ping gah, Kơnuk kơna hăng mơnuih djop djuai ania kual Dap kơdư.