Khua git gai Ping gah, Khua mir sir ơi Tô Lâm bơni ƀing khua mua, gơyut gơyâo hơmâo pioh hrơi mông nao jơnum pơbưp, lăng yôm, ol kơdol pran jua ƀơi anăp tơlơi dong yua, pran khăp pap mơng ƀing Ping gah Cộng sản, gơyut gơyâo, mơnuih ƀôn sang dêh čar Mi hăng Ping gah, Kơnuk kơna hăng mơnuih ƀôn sang Việt Nam amăng djop rơnuk. Khua git gai Ping gah, Khua mir sir ơi Tô Lâm lăi pơthâo hơdôm boh than dưi ngă mơng Việt Nam tơdơi kơ giăm 40 thun pơplih phrâo, hơdôm boh than dưi ngă lơm ngă tui hơdôm hơnong pơkă mơng Jơnum Ping gah tal XIII, lăi pơthâo jơnum Ping gah Cộng sản Việt Nam tal XIV pơphun akŏ thun 2026 amra jing jơnum yôm, kơđŏm glăi tơlơi yak nao phrâo mơng djuai ania Việt Nam tui jơlan gah chủ nghĩa xã hội.

Ƀrô tal anai, Khua git gai Ping gah, Khua mir sir ơi Tô Lâm pơpŭ hơ-ơč hăng jao miđai giang mah brơi ƀing mơnuih hơmâo lu tơlơi pơgôp yôm kiăng kơtưn tơlơi rô nao rai kơplah wah dua boh dêh čar.