Klah čun ƀơi mông jơnum, Khua git gai ping gah, Khua mir sir lăi pơtong, kiăng tŭ ư sa hnơ̆ng tơlơi thâo hluh amăng abih glông bruă kơđi čar lĕ, boh thâo ia rơgơi lượng tử jing sa bruă kiăng ngă tui yom gưl dêh čar, khom dưm anŏ yom amăng bruă pok pơhai Hră pơtrun mrô 57 mơ̆ng Ding jum kơđi čar hăng bruă mă pơđĭ kyar lŏn ia amăng črăn phrâo, lir hơbit hăng bruă pơgang pơgang tơlơi rơnuk rơnua dêh čar, mrô rơnoh jŭ yap ƀơi dêh čar, bruă pơkra ming gơnam yua ia rơgơi hrĕ añĕ pơkĕ apui hăng boh thâo ia rơgơi yua mơnuih pơjing.

Khua git gai ping gah, khua mir sir pơtrun hiăp, khom yap glăi abih bang glông bruă tơlơi pơhing yom mơ̆ng ping gah, kơnuk kơna, bruă pơgang lŏn ia, tơlơi rơnuk rơnua dêh čar, sang bruă prăk, apui yua, sang dăng kông….pioh dăp jơlan hơdră, anăp ngă bruă pơblih djơ̆ găl, prăp lui mơ̆ng hlâo, tañ hloh; laih dơ̆ng pơtum nao bruă tuh pơ alin phun, anăm ngă sui, kaih ôh, kiăng tañ akŏ pơdong anih anom mă bruă kơsem min kơtang,  anih lông ngă lăng hlâo phun či ngă anŏ pơhmu, pok pơhai lu hloh.