Pơ ala brơi khua mua Ping gah, kơnuk kơna, Khua git gai Ping gah, Khua mir sir ơi Tô Lâm pơpŭ kơ ơi Nguyễn Minh Tâm hơmâo ruah ngă Khua anih jưh pơ ala dêh čar Việt Nam ƀơi Lao. Jao bruă brơi kơ Khua anih jưh phrâo, Khua git gai Ping gah, Khua mir sir ơi Tô Lâm lăi rơđah, Việt Nam hăng Lao lĕ dua boh dêh čar ha guai, hơmâo tơlơi rô nao rai giang mah yôm phăn; anai lĕ tơlơi yôm amăng wai pơgang rơnuk rơnua hăng pơđĭ kyar lŏn ia Việt Nam.

Khua git gai Ping gah, Khua mir sir čang rơmang ơi Nguyễn Minh Tâm ngă tui tơlơi glăm ba lĕ khua anom bruă pơ ala dêh čar, jing anih tô nao rai djru pơlir hơbit hăng pơđĭ kyar tơlơi rô nao rai kơplah wah dêh čar Lao-Việt Nam, wŏt amăng bruă kơđi čar-pơtom hiăp, bơwih ƀong huă-sĭ mơdrô, gru grua, tuai čuă ngui…pơtrut bơwih ƀong sĭ mơdrô pơprong hăng hơmâo tơlơi đăo gơnang mơng Việt Nam lơm tuh pơ alin pơ dêh čar Lao, pơgôp yôm amăng pơđĭ kyar bơwih ƀong huă-mơnuih mơnam ƀơi dêh čar Lao.