Dua čô khua pơdah pran jua hok mơ-ak ƀơi anăp kơ tơlơi pơđĭ kyar kơtang tit amăng tơlơi rô nao rai Việt Nam-India tơdơi kơ 10 thun akŏ pơjing hơdră ngă hrŏm yôm phăn djop mơta. Dua bơnah bơtŭ ư hăng lu jơlan gah kiăng tŏ tui ngă dơlăm tơlơi rô nao rai ngă hrŏm amăng djop mơta bruă. Amăng anun, ngă bruă bruă ling tơhan-wai pơgang rơnuk rơnua tŏ tui pơsit lĕ bruă akŏ phun.

Kơ tơlơi bơwih ƀong huă, sĭ mơdrô hăng tuh pơ alin, dua boh dêh čar tŭ ư pơtrut kơtang amăng pơlir sĭ mơdrô gơnam, tui glông rơnoh yôm amăng rŏng lŏn tơnah tui jơlan gah ba glăi tơlơi truh kih, tơlơi dưi hrŏm. Khua git gai Ping gah, Khua mir sir ơi Tô Lâm pơsit tong Việt nam amra blơi mut lu mơng India, laih dong rơkâo gah dêh čar India ƀơƀrư̆ lui hĭ hơdôm hơnong pơkă hăng gơnam tam Việt Nam. Dua bơnah ă bơtŭ ư lăng boh thâo ia rơgơi, pơplih pơčeh phrâo hăng pơplih mrô ngă atur brơi rơwang pơđĭ kyar phrâo amăng tơlơi rô nao rai dua bơnah.