Tŭ ư hăng tơlơi jak iâu mơng Khua git gai Ping gah, Khua mir sir ơi Tô Lâm, Khua mir sir dêh čar Guinea-Bissau Umaro Sissoco Embaló rai čuă sit nik dêh čar Việt Nam dong mơng lơ 5-8/9. Tlam lơ 6/9, tơdơi kơ mông čơkă sit nik ƀơi Ƀirô khua mir sir, Khua git gai Ping gah, Khua mir sir ơi Tô Lâm jơnum bơkơtuai hăng Khua mir sir Umaro Sissoco Embaló.

Amăng mông jơnum, dua čô khua pơlăi nao rai hăng ba tơbiă lu jơlan gah kiăng hrưn đĭ klă dong boh than dưi ngă amăng ngă hrŏm dua bơnah amăng thun blan rơgao; tŭ ư gum hrŏm kjăp amăng ngă hrŏm bơwih ƀong huă, laih dong hơmâo hơdră djru kiăng pơtrut hơmâo lu dong gơnam sĭ, blơi mut mơng tač rơngiao, ngă gêh gal brơi anom bơwih ƀong sĭ mơdrô dua bơnah dưi ĕp tơlơi gal ngă hrŏm, bơwih ƀong sĭ mơdrô ƀơi dua boh dêh čar. Tơdơi kơ mông jơnum, dua čô khua dŏ lăng mông kĭ hră pioh hơdor kơ bruă akŏ pơjing hơdră pơphô bruă kơđi čar hăng pơtôm hiăp kơplah wah dua Ding jum pơtom hiăp hăng hră pioh hơdor ngă hrŏm ngă hmua kơplah wah Ding jum ngă hmua hăng pơđĭ kyar ƀon lan.