Pơđut mông mă bruă Khua git gai Ping gah, Khua mir sir ơi Tô Lâm lăi rơđah kơ tơlơi glăm ba yôm phun mơng anom bruă khua mir sir amăng pơphô bruă kiăng djru brơi Khua mir sir hăng kơ-iăng Khua mir sir; laih dong lăng yôm bruă mă mơng anom bruă amăng hrơi blan rơgao, yôm hloh lĕ amăng pơphô bruă jai hrơi pơplih, blung hlâo lăp djơ̆ hăng bruă jao, pơdah pran jua glăm ba hăng gru grua hiam klă mơng anom bruă.

Lăi pơtong tơlơi rơkâo jai hrơi prong tui amăng rơwang phrâo, Khua git gai Ping gah, Khua mir sir rơkâo, anom bruă khua mir sir đing nao ngă 8 bruă jao akŏ phun, amăng anun anom bruă kiăng tŏ tui hrưn đĭ klă amăng pơphô bruă, pơčlah tong ten rĭm bruă mă, hăng pran jua ngă tañ, kjăp, djơ̆, anăm brơi soh glăi, djơ̆ tơlơi glăm ba hăng tŭ yua.