Pơđut mông mă bruă, khua git gai Ping gah, Khua mir sir ơi Tô Lâm lăi pơthâo, mơnuih mă bruă rơgơi lĕ ƀing mơnuih ngă bruă yôm phăn amăng dêh čar. Bruă pơđĭ kyar, pơhưč hăng thâo yua ƀing mơnuih mă bruă rơgơi kiăng ba pơmut amăng djop jơlan gah pơđĭ kyar lŏn ia, lăng tơlơi dưi lŏn ia, djuai ania hăng tơlơi rơkâo ngă tui hơdôm bruă jao akŏ phun jing jơlan gah prong hloh. Khua git gai Ping gah, Khua mir sir rơkâo sem lăng tong ten mơnuih mă bruă rơgơi gơnang nao gru hơdip, tơlơi thâo thăi sit nik, thâo pơčeh phrâo, hơmâo gơnam pơkra rai tong ten, bruă mă truh kih hăng tơlơi yôm mơng bruă mă; anăm lăng mơnuih rơgơi yua kơ hơmâo ƀăng anai ƀăng adih, ngă bruă pơprong ƀudah sui thun.

Laih dong, kiăng pơlir bruă pơhưč mơnuih rơgơi hăng bruă thâo yua, jao bruă tong ten; pơplih hơdră djru, prăk apah, ngă gêh gal brơi anih mă bruă hăng pok prong anih pơđĭ kyar. Kơnuk kơna, djop ding jum, gơnong bruă, ƀon lan kiăng pơsit tong hơdôm tơlơi rơkâo prong kiăng ƀing rơgơi pơsir hĭ, pơlir hăng hơnong pơkă, gơnong tam, hrơi mông hăng tơlơi pơkă brơi bruă mă.