Tal čuă jơmư anai hơmâo pơphun amăng mông Việt Nam phrâo ruah pơhrua djŏp laih khua mua pơprong, pơƀuh tơlơi lăng yom biă mă hăng dêh čar India - gŏp ngă hrŏm yom amăng abih bang bruă mă, laih anun jing gơyut gơyâo thâo khăp ƀu-eng mơ̆ng đưm hlâo laih. Jing sa amăng klâo boh dêh čar blung a akŏ pơjing tơlơi ngă hrŏm anai hăng Việt Nam, India hrŏm hăng Việt Nam pơtrut ngă hrŏm jai hrơi dlăm tui amăng ha pluh thun rơgao, samơ̆ anih či đĭ kyar ăt dŏ prong đôč.

Amăng hrơi mông ƀơi kual hăng jar kmar hơmâo lu tơlơi pơplih, hrŏm hăng tơlơi hrưn đĭ kơtang bruă bơwih ƀong mơ̆ng dua boh dêh čar, tal čuă jơmư anai jing hrơi kiăng khua mua dua bơnah pơčrông sai, ĕp jơlan ngă hrŏm pơ anăp dong. Anai ăt jing tơlơi gêh găl pơtruh nao rai hơdôm ding jum, anom bruă, tơring tơrang, anom bơwih ƀong, biă ñu amăng bruă pơčeh boh thâo ia rơgơi, pơphun bruă bơwih ƀong./.