Đĭ pơhiăp pơđut mông mă bruă, Khua git gai Ping gah, Khua mir sir lăi pơtong bruă ia jrao pơjrao tui hơdră sô hơđăp amăng dêh čar anai ƀu djơ̆ kơnong anăp nao pơjrao brơi mơnuih ruă kă đôč ôh mơ̆ ăt lăng yôm bruă bơwih brơi tơlơi suaih pral, ngă hơđong hyuh, kơtăk drah, ngă bơkơnar amăng lăm hăng gah rơngiao hăng ngă kơtang pran pơrơsuaih mă amăng drơi jăn pô. Anai lĕ boh tơhnal jê̆ giăm hăng tơlơi kiăng mơng bruă ia jrao ră anai, lăng ană mơnuih lĕ phun amăng bơwih brơi tơlơi suaih pral.

Khua git gai Ping gah, Khua mir sir rơkâo gơnong bruă ia jrao pơjrao tui hơdră sô hơđăp; tŏ tui anŏ yôm mơng bruă ia jrao djuai ania dêh čar hluai tui yua boh thâo phrâo-boh thâo ia rơgơi. Laih dong, kiăng pơđĭ kyar bruă ia jrao pơjrao tui hơdră sô hơđăp amăng abih bang jơlan anăp nao pơđĭ kyar lŏn ia ta, pơlir hăng hơdră pơđĭ kyar ană mơnuih Việt Nam, bơwih brơi tơlơi suaih pral mơnuih ƀôn sang, boh thâo sinh học, pơkra jrao hăng tơlơi bơwih ƀong gah bruă ia jrao amăng dêh čar.