Đĭ pơhiăp git gai mông jơnum, Khua git gai ping gah, khua mir sir ơi Tô Lâm lăi pơtong, khua mua apăn bruă jơnum min djop djuai ania mơnuih mơnam dêh čar jing glông bruă kơđi čar, hơmâo anŏ phun jĕ giăm hăng mơnuih ƀôn sang, kơnuih hiam amăng mơnuih mơnam, thâo jak iâu pơtô lăi, bưp bơră ruai, pơtrut pơsur, pơđing hmư̆, lăi glăi, pơsir lu tơlơi hơmâo; ƀu ataih hăng ană plơi, ƀu dưi ngă bruă kơnong lăng amăng hră čih lăi pơthâo; khom nao tơl sang, phyang tơl adring, nao tơl, anih pơđing hmư̆ sit nik, ƀuh ƀơi anăp mơta, pơhiăp tơpă, lăi djơ̆, rơkâo đĭ djơ̆ tơlơi, kiăo tui truh kih, tơl hơmâo boh tŭ yua; kiăng jơnum min djop djuai ania jĕ giăm mơnuih ƀôn sang hloh, hmư̆ lu hloh, lăi glăi hmar hloh, krăp lăng tong ten djop bruă pơsir tơlơi mơnuih ƀôn sang rơkâo đĭ hăng ngă bruă tơpă hloh.

Khua git gai ping gah, khua mir sir ơi Tô Lâm pơtrun hiăp, anom bruă wai lăng djop djuai ania mơnuih mơnam khom kơsem min tong ten tơlơi pơtô djơ̆, pơƀut tơlơi pơtô djơ̆ hăng bruă mă sit nik rim hrơi kơ tơlơi gum pơgôp djuai ania, mơnuih ƀôn sang ngă pô, tơlơi dưi mơ̆ng mơnuih ƀôn sang lĕ sa bruă mă yom hloh, lăi pơthâo man pơdong hăng pok pơhai bruă gum pơgôp djuai ania truh thun 2035; lăng nao pơ anăp adih truh thun 2045; ngă rơđah hloh atur, tơlơi pơkă, hơdră pơsir hăng tơlơi phiăn pơtum pran kơtang mơ̆ng mơnuih ƀôn sang, pran kơtang amăng gru grua hiam, pran kơtang ană mơnuih Việt Nam.