Amăng mông pơhiăp telephôn, Khua git gai Ping gah, Khua mir sir ơi Tô Lâm pơsit tong Việt Nam lăng yôm tơlơi rô nao rai giang mah hăng ngă hrŏm lu bruă hăng dêh čar Thụy Sĩ, čang rơmang dua bơnah tŏ tui gum hrŏm kjăp phik, pok pơhai tŭ yua hăng ngă dơlăm ƀiă bruă ngă hrŏm djop mơta hơmâo akŏ pơjing mơng blan 01/2025. Dua čô khua brơi thâo, lơm amăng rŏng lŏn tơnah tŏ tui hơmâo lu tơlơi pơplih tañ, tơnap tap hăng ƀu hơmâo thâo, dua boh dêh čar kiăng kơtưn pơlăi nao rai, hơkrŭ pran đăo gơnang kơđi čar hăng ngă dơlăm ƀiă dong tơlơi rô nao rai ngă hrŏm djop mơta.

Kơ bruă ngă hrŏm tui hơdră djop bơnah, dua čô khua bơtŭ ư kơtưn gum hrŏm amăng hơdôm mông jơnum jar kmar hăng amăng Sang gum hơbit djop dêh čar kiăng pơgôp pơsir hĭ hơdôm bruă amăng jar kmar dua bơnah đing nao hluai tui bruă pơpŭ tơlơi phiăn jar kmar, yua kơ tơlơi rơnuk rơnua, hơđong hăng pơđĭ kyar pơdrông sah amăng kual kah hăng rŏng lŏn tơnah.