Dŏ pơđing hmư̆ hơdôm tơlơi kah pơpha, djru hrŏm amăng mông jơnum pơčrong sai laih anun bưp ƀô̆ mơta lu khua mua anom bruă sĭ mơdrô, group pơprong dêh čar Mi, Khua ping gah, Khua mir sir, ơi Tô Lâm brơi thâo, ñu mưn amăng pran jua anŏ kơtang, tơlơi hur har mơ̆ng ƀing ngă bruă sĭ mơdrô mơ̆ng dêh čar Mi kiăng djru hrŏm pơtrut tui bruă mă tuh pơ alin sĭ mơdrô hăng Việt Nam pơ anăp anai, laih dơ̆ng kiăng lu sang bruă sĭ mơdrô mơ̆ng dêh čar Mi ăt gir run hrưn đĭ jing ƀing sĭ mơdrô, tuh pơ alin prong hloh ƀơi Việt Nam. Hneč mă anŏ gêh găl, anŏ lăp djơ̆ kơnang kơ bruă ngă hrŏm dua bơnah bơkơnar, pơpŭ nao rai tơdruă laih anun lăng nao boh tơhnal dua bơnah lêng kơ tŭ yua kiăng pơtrut bruă rô nao rai dua bơnah mơak klă hloh.

Kiăng dưi ngă boh tơhnal anai, Khua ping gah, Khua mir sir rơkâo djop ding jum anom bruă, djop sang bruă sĭ mơdrô dua bơnah ăt ngă pơrơđah hloh jơlan hơdră tơlơi pơtrun, anăp či ngă bruă kiăng čih pơkra hră pơkôl mă bruă dua bơna gêh găl amuñ hloh; pơsir hĭ hơdôm tơlơi tơnap, gun gan amăng bruă tuh pơ alin. Khua ping gah, khua mir sir ăt čang rơmang kơnuk kơna dêh čar Mi pơtrut hloh tuh pơ alin, pơsur ƀing ngă bruă sĭ mơdrô dêh čar tuh pơ alin ƀơi Việt Nam, laih dơ̆ng ngă gêh găl brơi ƀing ngă bruă tuh pơ alin sĭ mơdrô mơ̆ng Việt Nam pok pơhư prong bruă mă ƀơi dêh čar Mi tŭ yua hloh.