Khua git gai Ping gah, Khua mir sir ơi Tô Lâm pơsit tong, Việt Nam ƀu kơƀah tơlơi gal, ƀu kơƀah ngăn rơnoh, bruă phun ƀơi anai lĕ tơhnal pơkă amăng wai lăng, tŭ mă, jak iâu pơgôp, kah pơpha, mă yua hăng tŏ tui aka ƀu kiăo tui hmao tơlơi rơkâo pơđĭ kyar phrâo. Pơ anăp anai, kiăng dưi ngă tui hơnong pơkă pơđĭ kyar 2 mrô, bruă yôm phun lĕ kiăng pơplih tơlơi pơmĭn kơ ngăn rơnoh. Khua git gai ping gah, khua mir sir ơi Tô Lâm rơkâo đing nao 6 grup bruă jao, hơdră kiăng ngă anun lĕ: “Pơjing tơhnal pơkă pok phư ngăn rơnoh. Akŏ phun lĕ lŏn mơnai, tuh pơ alin, dưm dăp, man pơdong, kông ngăn dêh čar, prăk tuh pơ alin, ngă hrŏm tuh pơ alin, tơlơi pơhing djă pioh, boh thâo ia rơgơi, boh thâo măi mok, hơbô̆ bruă bơwih ƀong phrâo hăng tơhnal pơkă ngă lông lăng mơ̆ kiăo tui lăng.

Amăng pơjing tơhnal pơkă, kiăng lui hĭ mơtăm tơlơi pơmĭn “ƀu dưi wai lăng amra kŏm”; sa bruă dong, sa boh tơhnal kiăng pơkă amăng sa tơlơi phiăn; pơplih klă bruă ngă hră pơ-ar; pơplih kơtang mơng pel ĕp hlâo hơdai nao tơdơi; pơhlôm tong ten djơ̆ tơlơi phiăn, mut hrŏm, hơđong, lăng nao pơ anăp”.