Ƀơi mông pơbưp, dua bơnah pơtŏng glăi bruă ngă hrŏm wai lăng rơnuk rơnua jai hrơi yom biă amăng tơlơi rô nao rai dua boh dêh čar, laih anun lăi kiăng ngă dlăm hloh tơlơi ngă hrŏm plah wah anom bruă wai lăng rơnuk rơnua, ngă tui tơlơi phiăn hăng čih pơkra jơlan hơdră ngă bruă. Kiăo tui tơlơi Ngă gŏp hlom bom abih bang Việt Nam - India, Khua git gai Ping gah, Khua mir sir ơi Tô Lâm hăng Khua pơphô bruă wai lăng rơnuk rơnua India, ơi Ajit Doval lăi pơtŏng kơ tơlơi kiăng ngă hrŏm tŭ yua hloh či pơkơdong ƀing ngă pirăt sat ƀai, ƀing ngă soh găn rơgao lu dêh čar, plư pleč amăng plang internet laih anun hơdôm tơlơi pơhŭi phrâo hơmâo, mơ̆ng anun pơhlom rơnuk rơnua lŏn ia hăng hơđong kjăp mơnuih tơpuôl, đĭ kyar, pok prong ngă hrŏm gah boh thâo ia rơgơi yơyom kah hăng ia rơgơi ană mơnuih pơčeh phrâo, boh thâo mrô, pơčeh phrâo, apui yua hăng pơtô pơjuăt mơnuih mă bruă rơgơi.

Kơ hơdôm bruă hơmâo amăng kual, laih anun jar kmar, dua bơnah tŭ ư bong kjăp tơlơi rơngai, rơnuk rơnua, hơđong, laih anun nao rai tui hluai mơak mơai ƀơi ia rơsĭ, hăng rơngit adai; pơsir hĭ tơlơi bơrơsua hăng bruă pơtom hiăp mơak, rơngai kiăo tui tơlơi phiăn jar kmar, biă ñu Công ước Sang gum hơbit djŏp dêh čar kơ Tơlơi phiăn ia rơsĭ thun 1982 (UNCLOS 1982).

Ăt măng bruă nao čuă gưl Kơnuk kơna pơ India mơn, mơmot lơ 5/5, Khua git gai Ping gah, Khua mir sir ơi Tô Lâm nao čuă, hăng git gai mông bưp ƀing khua, mơnuih mă bruă amăng Sang bruă khua anih jưh laih anun lu mơnuih Việt Nam ƀơi dêh čar India./.