Lơ 30/12, ƀơi Hà Nội, Sang hră kơđi čar dêh čar anăn Hồ Chí Minh pơphun Jơnum pơtum glăi bruă mă thun 2025, hăng pok pơhai bruă mă amăng thun 2026. Khua git gai Ping gah ơi Tô Lâm pơhiăp hăng git gai mông jơnum. Lăi glăi tơlơi pơtă pơtăn mơ̆ng Khua mir sir Hồ Chí Minh “Pơtŏp mơnuih ngă khua jing bruă phun mơ̆ng Ping gah”, Khua git gai Ping gah lăi, Sang hră kơđi čar jing anih pơtum tơlơi rơgơi, kjăp pran kơđi čar hăng djŏp tơlơi thâo tơlơi, tơlơi gêh găl lăp djơ̆ mơ̆ng Ping gah ta; jing anom bruă kơsem min tơlơi găl kơđi čar prong hloh mơ̆ng lŏn ia; jing anih đăo kơnang amăng bruă pơtô pơjuăt, pơtŏp rơguăt ƀing khua, biă ñu lĕ ƀing khua prong.

Amăng hrơi mông abih bang Ping gah, mơnuih ƀôn sang, ling tơhan glăk anăp nao Jơnum  ruah khua ping gah dêh čar tal 14, pok rai sa črăn đĭ kyar phrâo, Khua git gai Ping gah kiăng, pơ anăp Sang hră Kơđi čar dêh čar djă anăn Hồ Chí Minh pơƀut ngă 6 jơlan hơdră hăng bruă mă akŏ phun, pơplih phrâo bruă pơtô pơjuăt ƀing khua tui jơlan sit nik, tŭ yua, pơplih phrâo, pơlir hăng tơlơi kiăng ngă djŏp jơlan hơdră yom phun mơ̆ng Ping gah./.