Ƀu tŭ ư ôh hăng ƀing khua mua mă bruă tui tơlơi pơmin kiăo tui rơwang bruă ruah đĭ, pơhiăp đôč ngă bruă ƀiă, pơgăn hĭ tơlơi pơđĭ kyar lŏn ia”. Anai lĕ tơlơi pơtong rơđah mơ̆ng Khua git gai ping gah ơi Tô Lâm ƀơi mông jơnum mơ̆ng ataih pơƀuh ƀô̆ mơta lăng nao rai amăng tivi, ta juăt lăi jơnum Online kiăng pơƀut bruă mă pok pơhai ngă tui Hră pơtrun mrô 57 mơ̆ng Ding jum kơđi čar kơ bruă pơblih tơlơi pơčeh phrâo ia rơgơi, jơnum lơ 15/10. Tui hăng tơlơi pơgôp hiăp pơčrong sai nao rai, rơkâo đĭ, lăi pơthâo hơdră, Khua git gai ping gah ơi Tô Lâm lăi rơđah tơlơi kiăng ngă, bruă pok pơhai Hră pơtrun mrô 57 lĕ pran kơtang pioh ngă tui tŭ yua djop bruă mă pơblih anŏ kơtang, pơblih phrâo hơbô̆ bruă pơđĭ kyar lŏn ia, akŏ pơjing glăi hơbô̆ bruă pơđĭ kyar phrâo kơ lŏn ia.

Khua git gai ping gah pơtrun hiăp, djop ding jum, anom bruă, tơring čar khom mă bruă pơsir hĭ tơlơi kơđông ngă tơlơi phiăn či mă bruă pơblih kơtang hnang blung; pơphun kơtang mơnuih mă bruă amăng mơnuih tơpuôl brơi pơđĭ kyar boh thâo ia rơgơi, tơlơi pơhing hmar, pơblih anŏ pơčeh phrâo, tui tơlơi phiăn pơkă “Hơgĕt gah mơnuih ƀôn pô ngă, dưi ngă lĕ ƀu djơ̆ gah bruă amăng kơnuk kơna pô gơgrong, khom ngă gêh găl, pơtrut pơsur kiăng mơnuih ƀôn sang ngă pô pô ngă”. Tui tơlơi kiăng ngă, mă anŏ tu ư, mơak pran jua kơ ană plơi pla hăng tơlơi đăo kơnang mơ̆ng mơnuih ƀôn sang hăng sang bruă mơdrô yơh ngă anŏ pơkă; khom ngă tui khut khăt hloh ba yua mrô kơ abih bang bruă pok pơhai ngă tui bơwih brơi ngă hră pơar "sa bah amăng, sa wơ̆t pơhaih” amăng glông atur mrô djă pioh gưl dêh čar dưi pơtruh nao rai sa hnơ̆ng.