Kơ bruă mă pơ anăp adih, Khul khua mua git gai djop anom bruă ping gah, khul ping gah, sang bruă kơnuk kơna pơtrut kơtang bruă mă pơtô pơblang pơgăn hưp ham ƀong kông ngăn soh sat, pơsir truh kih hơdôm kơđi aka sir, hơdôm bruă mă dŏ tơdu, kơđi pơprong aka giong pơdjơ̆ nao ƀong kông ngăn, soh sat, tơnap tap, mơnuih ƀôn sang đing nao.

Boh nik ñu pel ĕp, krăo lăng tơña hơduah, jŭ yap, ĕp tơlơi soh, pơsir hơdôm kơđi pơprong amăng bruă ngă soh mơ̆ng kông ty Việt Á, kông ty AIC, Group FLC, Tân Hoàng Minh, Vạn Thịnh Phát. Kơtưn mơ̆ng ră anai truh abih thun 2023 khom pơƀut glăi bruă mă pơtong rơđah, pơsir 10 mơta tơlơi; čih pơkra hră jŭ yap tơlơi soh 5 mơta kơđi prong; phat kơđi blung a 7 mơta tơlơi, phat kơđi glăi 3 mơta tơlơi soh prong.