Khua git gai Ping gah Nguyễn Phú Trọng hok mơ-ak kơ Khua dêh čar Roman Golovchenko rai čuă Việt Nam laih anun bơni hơ-ơč kơ Belarus hơmâo lu bruă truh kih djă bong kơjăp rơnuk rơnua kơđi čar, đĭ kyar lŏn ia, pơhlôm djru tơlơi hơdip mơda mơnuih ƀôn sang hăng pơđĭ tui tơlơi hmư̆ hing kơdrưh amăng kual. Lăng yôm boh than ba glăi mơ̆ng mông jơnum kơplah wah Khua dêh čar Belarus hăng ƀing khua mua dêh čar Việt Nam, Khua git gai Ping gah Nguyễn Phú Trọng lăng yôm hơdôm tơlơi đĭ kyar klă amăng bruă rô nao rai kơplah wah Việt Nam hăng Belarus; đăo kơnang tal hyu čuă jơmư amra pơtrut tui tơlơi rô nao rai klă hiam mơ̆ng đưm hlâo laih anun ngă hrŏm amăng lu bruă kơplah wah Việt Nam hăng Belarus amăng hrơi blan pơ anăp.

Khua git gai Ping gah Nguyễn Phú Trọng ăt bơkơtuai mơn hăng Khua dêh čar Roman Golovchenko hơdră ngă bruă phrâo đah mơ̆ng pơtrut tui tơlơi rô nao rai dua bơnah đĭ kyar hloh, lăi pơthâo tơlơi thâo thăi ngă bruă, pơđĭ tui ngă hrŏm amăng abih bang bruă. Ping gah Cộng sản Việt Nam amra hơkrŭ hăng pơtrut tui tơlơi rô nao rai hăng hơdôm ping gah mơ̆ng Belarus.