VOV4.Jarai - Ƀrô hrơi hơdor 77 thun Hrơi kual Dơnung blah ayăt (23/9/1945-23/9/2022) - sa gru kơđŏm hing ang mơng Djuai ania ta, mơguah lơ 23/9, ƀơi ƀon prong Hồ Chí Minh, Khua git gai Ping gah ơi Nguyễn Phú Trọng git gai mông ngă bruă hăng Khul khua gum bruă git gai Ping gah hăng khua mua prong mơng ƀon prong kơ bruă ngă tui Tơlơi pơtrun Jơnum Ping gah 13, hăng Tơlơi pơtrun Jơnum Ping gah ƀon prong tal 11 mơng akŏ rơwang bruă truh ră anai. khua git gai Ping gah dêh čar ơi Nguyễn Phú Trọng lăng yôm hơdôm tơlơi gir run, boh than hơmâo ngă mơng Ping gah, gong gai plơi pla hăng mơnuih ƀon sang ƀon prong Hồ Chí Minh hơmâo ngă amăng hrơi blan rơgao, mah hnun hai, Khua git gai Ping gah ăt črâo brơi rơđah hơdôm tơlơi dŏ tơdu, aka ƀu djơ̆ mơng ƀon prong.

Khua git gai Ping gah Nguyễn Phú Trọng hăng ƀing khua

Khua git gai Ping gah ơi Nguyễn Phú Trọng lăi: amăng hrơi blan pơ anăp anai, ƀon prong kiăng pơtrut hloh dong bruă bơwih ƀong huă phrâo mơng ƀon prong, pơlir hăng pơplih hơbô̆ bruă đĭ kyar; pơƀut ngă hơdôm bruă pơplih phrâo, kơtưn đĭ phrâo, pơsir hĭ hơdôm tơlơi ngă gun ngă tơnap gah tơlơi phiăn, bruă pơkra anih anom, mơnuih mă bruă ră anai, pơtrut tui hloh tơlơi gơgrong bruă mơng ƀing khua, tơlơi pơtrut đĭ kyar kơtang mơng pô hăng kual Ngŏ Dơnung, djơ̆ hăng anăn “Lŏn pơsơi, Plơi ia kông”, jing “Boh keo mơng Viễn Đông”, “Tơlơi kiăng khăp hăng pơ-ư pơ-ang mơng lŏn ia”.

Siu H’Mai: Pơblang