Khul git gai lăi pơtong, bruă mă mơ̆ng Khul thun 2023 hăng mơ̆ng akŏ rơwang bruă tal XIII ping gah dêh čar truh ră anai, bruă mă mơ̆ng Khul ăt pơblih tui phrâo wơ̆t bruă mă, hơdră mă bruă hăng anăp či ngă bruă, ƀuh rơđah lĕ lu jơlan hơdră, bruă mă dưi pok pơhai ngă tui khut khăt, ba glăi boh tŭ yua rơđah rơđong amăng bruă mă pơgang hăng pơgăn tơlơi soh sat hưp ham ƀong kông ngăn amăng dêh čar.

Hơdôm blan rơuč thun 2023, Khul git gai  hơmâo pơčrâo bruă mă djop gưl ping gah pơyŭ, git gai djop sang bruă ping gah, khua git gai ping gah pơtum ngă tui tơlơi pơčrâo ba, bruă mă tui hơdră bruă amăng thun 2023 hăng tơlơi klah čun mơ̆ng ơi Nguyễn Phú Trọng, Khua git gai ping gah dêh čar, amăng anun pơtum ngă tui hmar, git gai tañ hloh, ngă pơgiong sa hnong tơlơi pơtrun kiăng kơ Khul git gai pơgang hăng pơgăn tơlơi soh sat hưp ham ƀong kông ngăn hơmâo pơtrun. Bruă phun lĕ ngă giong bruă wai lăng tơlơi dưi, Khul git gai ăt sem lăng hơdôm tơlơi či hơmâo dơ̆ng bruă ngă soh sat ƀong kông ngăn. Git gai brơi kơtưn pel ĕp, krăo lăng, hơduah ĕp, sem lăng djop bruă mă amuñ ngă kơ arăng hưp ham ƀong kông ngăn, ngă soh glăi tơlơi phiăn pơgăn hưp ham ƀong kông ngăn hăng tañ ngă pơgiong bruă sem lăng, krăo lăng djop akŏ bruă jao tui Akŏ bruă pơtrun mơ̆ng Khul git gai ƀơi dêh čar.