Khua git gai Ping gah ơi Nguyễn Phú Trọng: Tơlơi pơmin, pran jua mơ̆ng Wa Hồ dŏ hrŏm na nao hăng Djuai ania ta
Thứ sáu, 10:52, 03/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah lơ 2/11, ƀơi Sang bruă Ping gah, Khua git gai Ping gah ơi Nguyễn Phú Trọng hơmâo mông bưp jê̆ giăm hăng 67 čô mơnuih rơgơi mơbruă ƀơi dêh čar kơ “Hrăm hăng hla tui tơlơi pơmin, pran jua, tơlơi hơdip Hồ Chí Minh thun 2023”.
Amăng 5 thun giăm anai, rim thun Anom pơtô bruă ping gah dêh čar lêng kơ pơphun bơkơtưn ngă bruă, apah bơni mơnuih mơnam, khul grup rơgơi hrăm hăng hla tui Hồ Chí Minh, thun anai 67 čô mơnuih hơmâo pơpŭ bơni...Khua git gai Ping gah ơi Nguyễn Phú Trọng pơsit, tơlơi pơmin pran jua Hồ Chí Minh jing pran jua hơkrŭ yôm biă mă, tum pơƀut pran jua hiam hloh, jing rơnoh pơkă kiăng abih bang hla tui, kiăng gru grua hiam tui, akŏ pơjing ană mơnuih Việt Nam hơdip klă amăng rơnuk phrâo.
Khua git gai Ping gah ơi Nguyễn Phú Trọng kơnang amăng hrơi blan pơ anăp, amra hơmâo lu tui mơnuih rơgơi mơbruă djru pơđĭ kơjăp tui tơlơi pơmin, pran jua mơ̆ng Wa hơdip na nao hăng Djuai ania Việt Nam hơmâo gru klă hiam hăng sông kơtang.
Viết bình luận