Ƀơi mông tŭ jum, Khua anih jưh ơi Seng Phêt Hung Bun Nhuông pơdah pran jua mơak ƀuh tơlơi ngă giăng mah klă hiam gum pơgôp tong ten Lao-Việt Nam, ƀrư̆ hrơi pơđĭ kyar pok pơhư prong tui, ba glăi boh tŭ yua sit nik kơ mơnuih ƀôn sang dua bơnah, lăi pơtong, yua tơlơi ngă giăng mah hiam mơak Lao-Việt Nam mah dŏ mă bruă pơpă hai ăt amra gir abih pran jua pơbŭ tui kiăng đĭ na nao pơ anăp adih kjăp hơđong.

Khua git gai ping gah ơi Nguyễn Phú Trọng bơni hơ-ơč kơ khua anih jưh pơ ala dêh čar hơmâo ngă giong bruă jao laih anun bơni kơ boh tơhnal dêh čar Lao dưi ngă thun blan rơgao, lăi pơtong Việt Nam dong yua na nao bruă pơblih phrâo ƀơi dêh čar Lao, mơnuih ƀôn sang Lao amra tŭ mă lu boh tơhnal phrâo, prong hloh amăng bruă pok pơhai ngă tui Hră pơtrun jơnum ruah khua ping gah dêh čar Lao tal XI.