Khua git gai ping gah ơi Nguyễn Phú Trọng lăi pơtong, tal rai čuă jơmư anai djă jă gru kơđŏm yôm, pơdah rai tơlơi ngă giăng mah dua bơnah hơmâo mơ̆ng gru grua đưm hăng čang rơmang dua bơnah ăt pơtrut ngă giang mah pơđĭ kyar tong ten hloh yua boh tŭ yua kơ dua bơnah djuai ania, yua tơlơi rơnuk rơnua, pŭ ƀăn mơak hăng pơđĭ kyar amăng kual hăng ƀơi rŏng lŏn tơnah.

Khua git gai ping gah ơi Nguyễn Phú Trọng lăi pơtong, Việt Nam lăng yôm na nao amăng bruă pơđĭ kyar hăng ngă kjăp tui tơlơi rô nao rai gơyut gơyâo hơmâo mơ̆ng hơđăp, amăng anun lăng yôm bruă ngă giăng mah hăng Kazakhstan. Khua git gai ping gah ơi Nguyễn Phú Trọng hơmâo pơčrong sai hăng Khua mir sir ơi Kassym Jomart Tokayev hơdôm anăp ngă bruă tơdơi anai, pơtrut bruă ngă giăng mah dua bơnah đĭ nao amăng sa yak phrâo, kơtưn ngă hrŏm hlom bom yua boh tŭ yua kơ mơnuih ƀôn sang dua bơnah, djru hrŏm amăng bruă pơsir tơlơi rơnuk rơnua hăng hing ang amăng kual laih anun ƀơi rŏng lŏn tơnah.