Ƀơi mông bưp, Khua git gai Ping gah ơi Tô Lâm pơsit Việt Nam lêng kơ lăng yôm hăng čang rơmang ba tơlơi rô nao rai Ngă gŏp yôm amăng abih bang bruă kơplah wah dua boh dêh čar đĭ kyar dlăm tui, abih bang, lăp djơ̆ hăng tơlơi ngă hrŏm phrâo akŏ pơdong. Khua git gai Ping gah ăt bơni hơ-ơč kơ Singapore kơ hơdôm boh than hơmâo ngă pơplih amăng djŏp bruă bruă, jing ngă gru brơi hơdôm boh dêh čar kual Ngŏ Dơnung ASIA hla tui. Dua čô khua gum pơsit, Việt Nam hăng Singapore lăi pơthâo lu tơlơi djơ̆ hrŏm kơ anŏ yôm, gru grua, hăng jơlan đĭ kyar pơ anăp wơ̆t hăng tơlơi pơmin hrŏm kơ lu bruă hơmâo amăng kual hăng jar kmar.

Dua bơnah lăng djơ̆ pran hăng hơdôm boh than hơmâo ngă klă hăng sit nik amăng bruă ngă hrŏm dua bơnah hrơi blan rơgao amăng djŏp bruă mă, mơ̆ng kơđi čar, pơtom hiăp hăng čar rơngiao truh kơ ngă hrŏm ling tơhan pơgang rơnuk rơnua lŏn ia, sĭ mơdrô - tuh pơ alin, boh thâo ia rơgơi phrâo, pơtô hăng pơjuăt, tuai čuă ngui hăng jơnum ngui pơbưp mơnuih ƀôn sang; pok prong pơ hơdôm bruă phrâo dong, lu tơlơi gêh gal či đĭ kyar kah hăng bơwih ƀong boh thâo mrô, pơplih phrâo mơtah mơda, pơplih apui lơtrik hăng pơčeh phrâo tơlơi rơgơi./.