Khua git gai Ping gah ơi Tô Lâm bưp mơnuih ƀôn sang Việt pơ Kơdư Mi Kô̆
Thứ tư, 11:12, 22/10/2025
VOV/Siu H'Mai pơblang
VOV/Siu H'Mai pơblang
VOV.Jarai - Amăng tal nao čuă sit nik dêh čar Phần Lan, lơ 21/10, Khua git gai Ping gah ơi Tô Lâm hăng Bơnai ñu yă Ngô Phương Ly, hơmâo bưp ƀing khua, mơnuih mă bruă amăng hơdôm sang bruă pơ ala dêh čar Việt Nam, hăng ƀing pơ ala mơnuih Việt Nam pơ čar Phần Lan, Đan Mạch, Thụy Điển hăng Na Uy.
Khua git gai Ping gah hok mơak biă mă hăng tơlơi khăp ƀu-eng mơ̆ng neh met wa pơ anai - jing “mơnuih pơƀuh hyu gru grua” bơbă tui tơlơi rô nao rai giăng mah kơplah wah Việt Nam hăng hơdôm boh dêh čar kual Kơdư Mi Kô̆.
Khua git gai ping gah pơsit, Ping gah hăng Kơnuk kơna leng kơ lăng mơnuih Việt Nam pơ čar rơngiao jing khul ƀu thâo pơčlah đuăi ôh mơ̆ng djuai ania, jing khul yom biă mă amăng bruă akŏ pơdong hăng pơgang lŏn ia. Tơlơi pơhing kơ bơwih ƀong - mơnuih mơnam hăng bruă prăp lui Jơnum ruah khua ping gah tal 14, Khua git gai Ping gah lăi pơtŏng, lŏn ia glăk mut amăng rơwang thun đĭ kyar phrâo, anăp nao kiăng ană plơi pơdrong, lŏn ia kơtang, ngă pô, dưm kơnar, thâo rơgơi.
Viết bình luận