Khua git gai Ping gah hok mơak biă hăng pran jua pơčeh phrâo, khin pơmin khin ngă mơ̆ng mơnuih ngă hmua Việt Nam, djru pơđĭ tui anăn gơnam hmư̆ hing mơ̆ng lŏn ia ta; lăi pơtŏng, mơnuih ngă hmua yơh pô akŏ phun amăng bruă pơđĭ kyar ngă hmua pla pơjing, plơi pla ƀôn lan, laih dong kah hăng “tơhan nao hlâo ba jơlan” amăng bruă bong rơnuk rơnua braih apiăng.

Khua git gai Ping gah kiăng mă yua boh thâo ia rơgơi hloh dong, brơi ƀing rơgơi kơhnăk trun nao pơ hmua, anom mơdrô gum hrŏm hăng neh wa pơkra gơnam djơ̆ hơdră, klă hiam, pla hơmâo hră, hơmâo anăn, pơhlôm hơdjă gơnam ƀong huă, hăng lăp djơ̆ tui tơlơi pơkă jar kmar, đah mơ̆ng pơđĭ kyar bruă ngă hmua phrâo, kjăp phik.