Pơpŭ bơni nao jao Miđai mă bruă mrô I kơ Khul đah kơmơi mut phung Việt Nam, Khua git gai ping gah, ơi Tô Lâm lăi pơtong, khul đah kơmơi mut phung Việt Nam jing anih ưh kơnang mơ̆ng lu sang anŏ, jing ƀing djru tui klôn kơjăp biă mă, ăt kah hăng anih pơ anăp khin hơtai ƀơi tơdron blah ba akŏ hlâo, asar pơjeh mơ̆ng tơlơi thâo gum pơgôp hăng tơlơi khăp pap amăng plơi pla.

Laih anun lăi pơsit, Jơnum pơkơtưn mă bruă khăp kơ lŏn ia tal V mơ̆ng Khul đah kơmơi mut phung mông jơnum yom biă mă, pioh pơƀut glăi bruă mă, pơpŭ bơni laih anun pok prong sa jơlan hơdră mă bruă pơkơtưn phrâo-sit nik-tŭ yua, bagn bơngač hloh hăng tơlơi čang rơmang Khul đah kơmơi “Wil hrup hăng blan bơrơmi ria”, Khua git gai ping gah lăi pơthâo 10 anăp či ngă tui brơi kơ khul đah kơmơi mut phung či ngă thun blan pơ anăp, pơblih kơtang hloh, yom pơphăn, kiăng kơ kơsem min tong ten, ngă tui djơ̆, amăng anun akŏ pơdong khul đah kơmơi mut phung Việt Nam amăng rơnuk phrâo : Khăp kơ lŏn ia-hrưn đĭ pô-khin hơtai-khăp pap-thâo rơgơi-pơčeh phrâo-glăm ba-yua mrô-mơtah mơda; pơđĭ tui bruă mă “Akŏ pơdong sang anŏ 5 mơta ƀu hơmâo, 3 mơta rơgoh, jing 5 mơta ƀu hơmâo, 3 mơta rơgoh, 3 mơta hơđong: rơnuk rơnua-hơđong pran-hơđong bơwih ƀong huă.