Đĭ pơhiăp ƀơi mông jơnum, Khua git gai ping gah dêh čar lăi pơtong, rŏng lŏn tơnah hlăk pơblih hmar biă mă aka ƀu hơmâo djơ̆ ôh, hơmâo ia rơgơi ană mơnuih pơjing rai, djă pioh mrô rơnoh prongprin, lu mơta, boh thâo ia rơgơi gah bruă pla pơjing, apui yua, ia jâo hơdjă, gơnam yua mă bruă phrâo.

Việt Nam khom lăng kơ boh thâo ia rơgơi tơlơi pơhing phrâo, pơblih pơčeh phrâo hăng ba yua mrô sa pran kơtang phun pioh pơblih hơbô̆ bruă  pơđĭ kyar. Khua git gai ping gah pơtrun hiăp pok pơhai jơlan hơdră mă bruă 11 mơta ia rơgơi phrâo, phun hloh tui Hră pơtrun 57, biă mă ñu hơdôm bruă pơkra hrĕ añĕ pơkĕ apui lơtrik amăng lăm măi mok, juăt lăi bán dẫn, boh thâo ia rơgơi AI, mrô rơnoh djă pioh prong, hơđong rơnuk rơnua amăng plang internet, gru kơnăl pơgang kơjăp anŏ hơgŏm, boh thâo ia rơgơi bruă pla pơjing, gơnam yua phrâo, apui lơtrik, ia jâo hơdjă, điện tử, ia rơgơi thâo ngă hơjăn, măi mok mơnuih rơbot. Djop sang bruă gưl prong, anom kơsem min ia rơgơi phrâo pơtrut jao glăi tañ boh thâo ia rơgơi giong pơkra ming brơi kơ djop sang bruă mơdrô, mă yua, bơwih brơi sĭ mơdrô, kiăng akŏ pơjing sang bruă mơdrô ba yua boh thâo ia rơgơi phrâo hmar, tañ hloh, ba dêh čar Việt Nam pơđĭ kyar kơtang amăng rơnuk yua mrô ră anai.