Ƀơi să Quảng Điền, ƀôn prong Huế Khua git gai ping gah nao tơña bla hăng kah pơpha hăng tơlơi tơnap tap răm ƀăm prong yua ia ling dăo ngă laih anun čang rơmang mơnuih ƀôn sang găn rơgao hĭ tơlơi tơnap tap, tañ ngă hơđong tơlơi hơdip mơda mơnuih ƀôn sang. 

Khua git gai ping gah lăi pơtong, Ping gah, kơnuk kơna, djop anom bruă kơnuk kơna, khul grup mơnuih mơnam hăng mơnuih ƀôn sang amăng dêh čar ta ăt đing nao mơ̆n kơ mơnuih ƀôn sang dŏ ƀơi kual Tong krah hăng ƀôn prong Huế hnun mơ̆n hăng bruă ngă “hla hnil gôm ba hla tơ̆i” kiăng hmao kru djru ba, kah pơpha tơlơi tơnap tap mơ̆ng mơnuih ƀôn sang kual ia ling dăo. Ƀrô djơ̆ tal anai, Khua git gai ping gah ơi Tô Lâm hơmâo jao 100 klai prăk hăng 200 tơn braih brơi kơ anom bruă Ping gah, gong gai kơnuk kơna hăng mơnuih ƀôn sang ƀôn prong Huế.