Mông ngă bruă kiăng pơthâo dlăm pran jua ngă bruă mơ̆ng mông Jơnum ping gah dêh čar tal 14, ngă rơđah jơlan đĭ kyar lăp djơ̆ hăng tơlơi čar čư̆ siăng, guai dêh čar hơmâo gru ngă hơkrŭ hmư̆ hing laih anun ngă rơđah hơdôm tơlơi pơtrun akŏ phun mơ̆ng Ping gah jing bruă mă dưi ngă, ngă tŭ yua.

Klah čun glăi, Khua git gai Ping gah bơni kơ pran jua ngă bruă tơpă, kơtưn đĭ mơ̆ng tơring čar Cao Bằng lơ̆m lăng rơđah hơdôm tơlơi tơnap mơ̆ng anih sĭ mơdrô, GRDP yap tui akŏ mơnuih aset. Khua git gai Ping gah lăi dlăm, bruă khin lăng tơpă anŏ aka ƀu dưi ngă, huăi kơdŏp, huăi bĕ hĭ ôh tơlơi ngă gun, jing phun atur yom biă či ĕp jơlan, ruah mă jơlan djơ̆, pơplih phrâo pơ anăp; laih dong kiăng pơđĭ tui tơlơi thâo rơgơi lơ̆m ngă bruă, tơlơi bơtơhmal, đĭ tui hơdôm bruă bơwih ƀong akŏ phun kah hăng bơwih ƀong sĭ mơdrô ƀơi guai, logistics, čơkă tuai hyu ngui hăng ngă hmua hrŏm hơbit hăng bơwih bơwang.