Kơčăo bruă anai jing sang ia jrao rơgơi, “sang ia jrao mơtah”, mă yua boh thâo ia rơgơi, măi mok yơyom, hăng tơlơi rơgơi ană mơnuih ta pơčeh phrâo amăng bruă pơkă tơlơi ruă, pơjrao hăng git gai sang ia jrao, wai lăng anih đih pơjrao, anăp nao akŏ pơdong sang ia jrao mă yua boh thâo ia rơgơi amăng kual sang ia jrao plơi prong jưh jom Hà Nội amăng rơnuk mă yua boh thâo mrô.

Hăng prăk man pơdong rơbêh 16.000 klai, sang ia jrao anai jing anih mă yua lu boh thâo ia rơgơi pơjrao mơnuih duam ruă, măi pơjrao klă hloh. Pơhiăp ƀơi mông ngă lơphet, Khua git gai ping gah ơi Tô Lâm pơsit: sang ia jrao anai lăp djơ̆ hăng pơsit brơi lu tơlơi pơtrun prong mơ̆ng Ping gah, Kơnuk kơna kơ đĭ kyar boh thâo ia rơgơi, đĭ kyar bơwih ƀong mơnuih ƀôn sang ngă pô, wai lăng hăng pơđĭ tui tơlơi suaih pral kơ Mơnuih ƀôn sang; laih dong brơi ƀuh tơlơi gir run mơ̆ng plơi prong Jưh jom amăng bruă kiăo tui tơlơi pơtrun phara hơjăn pioh ngă hơdôm kơčăo bruă prong, yom phun, ngă bang hyu sui.