Sui mơ̆ng anai krĕp 80 thun, lơ 15/10/1945, Khua mir sir Hồ Chí Minh kĭ hră akŏ pơdong 12 puih kơđông tơhan blah ngă, amăng anun hơmâo Puih kơđông tơhan blah ngă 4 - jing puih kơđông phun mơ̆ng Tơhan blah ngă kual 4 rơnuk anai.

Pơhiăp ƀơi mông jơnum, tơhan blah ngă Kual 4 hơmâo lu wơ̆t blah dưi, hmư̆ hing kơtang, gum pơklaih rơngai djuai ania, akŏ pơdong hăng pơgang Lŏn ia. Khua git gai Ping gah kiăng Khul tơhan kual 4 ngă tui lăp djơ̆ tơlơi pơmin pran jua mơnuih ngă tơhan Hồ Chí Minh, bruă abih bang mơnuih ƀôn sang pơgang lŏn ia mơ̆ng Ping gah pơtrun; pơtrut tui bruă iâu pơthưr pơtô ba mơnuih ƀôn sang, ngă kjăp tui tơlơi khăp ƀu-eng tơhan hăng mơnuih ƀôn sang, djru ngă kjăp pran ană plơi hăng gum pơgôp djuai ania ta kjăp phik.