Hơdôm thun laih rơgao, tơlơi rô nao rai plah wah Việt Nam hăng Phần Lan pơđĭ kyar hiam klă, Phần Lan lăng kơ Việt Nam bơnah ngă hrŏm đing nao hlâo hloh amăng kual Ngŏ dơnung Asia Tal nao čuă jơmư anai, djă pioh gru kơđŏm yom, lăi pơtong tơlơi đaơ kơnang nao rai bruă kơđi čar hăng pok pơhư črăn ngă hrŏm phrâo dua bơnah dêh čar.

Việt Nam hăng Phần Lan ăt ngă kơjăp amăng bruă mă, kah hăng gru grua ngă hrŏm pơtô pơjuăt, boh thâo-ia rơgơi phrâo, pơgang ayuh hyiăng anih dŏ jum dar, bruă ngă hmua; laih dơ̆ng pok prong bruă mă pơkŏn phrâo pơblih yua mrô, ba yua apui yua ia jâo rơgoh, tơlơi bơwih ƀong huă pơhlom akŏ klôn. Anai lĕ hơdôm bruă ngă anăp nao djơ̆ găl pơđĭ kyar hơđong kơjăp, ba glăi boh tŭ yua hiam klă brơi kơ mơnuih ƀôn sang dua bơnah hăng djru hrŏm pơsir tơlơi rơnuk rơnua, ngă hrŏm mơak, pơđĭ kyar amăng kual ăt kah hăng amăng rŏng lŏn tơnah.