Ƀơi mông tŭ jum, khua git gai ping gah ơi Tô Lâm lăng yom hơdôm bruă ngă pơđĭ tui bruă giăng mah pŭ ƀăn dua bơnah djop bruă mă, hăng lu boh tơhnal tŭ yua hiam klă, amăng thun blan dua boh dêh čar hlăk anăp nao hơdor glăi 30 thun hrơi akŏ pơjing bruă pơtom hăng 2 thun akŏ pơjing bruă giăng mah kơjăp hăng hlom bom.

Lăi pơtong, amăng thun 2025, jing thun hơmâo boh tŭ yua yom, hơdor glăi 30 thun bruă pơtom hiăp Việt Nam hăng Mi, Khua git gai ping gah ơi Tô Lâm rơkâo dua bơnah khom ngă hrŏm pok pơhai tŭ yua jơlan hơdră jơnum bưp nao rai khua mua, pơtrut bruă čuă jơmư nao rai ƀơi djop gưl, pơtrut bruă pơsir tơlơi rơnuk rơnua, hơđong, ngă hrŏm laih anun pơđĭ kyar amăng rŏng lŏn tơnah. Khua git gai ping gah ơi Tô Lâm čih pioh tơlơi gir run mơ̆ng ơi Marc Knaper hăng khul khua mua apăn bruă amăng sang bruă khua anih jưh pơ ala dêh čar, djru pơtrut ngă giăng mah, pok pơhai tŭ yua djop hră pơkôl hăng boh yom phun bruă ngă hrŏm djop mơta, mơ̆ng bruă kơđi čar, pơtom hiăp, bơwih ƀong huă, sĭ mơdrô, tuh pơ alin, pơgang rơnuk rơnua, wai lăng hơđong, ngă hrŏm bruă djru tơlơi khăp pap hăng rŭ glăi anŏ răm ƀăm rơnuk blah wang đưm ngă.