Khua git gai Ping gah pơsit, Ping gah hăng Kơnuk kơna Việt Nam leng kơ ngă gêh găl brơi hlâo kơ tơlơi rô nao rai hăng Kur, dong yua dêh čar anai đĭ kyar rơngai, rơnuk rơnua, hơđong, laih dong djru brơi kiăng Jơnum min dua boh dêh čar pok pơhai tŭ yua djŏp hră hơmâo kĭ, ngă hrŏm kjăp hloh.

Yă Men Sam An lăi, dêh čar Kur leng kơ lăng Việt Nam jing gơyut jê̆ giăm, giăng mah, djru nao rai lơ̆m tơnap tap, pơsit amra ngă hrŏm hăng Jơnum min djŏp djuai ania mơnuih mơnam Việt Nam pơtrut pơbưp mơnuih ƀôn sang, ngă hrŏm gru grua, ia jrao, pơtô hăng pơjuăt, biă ñu pơ hơdôm boh tơring giăm guai. Lăng yom biă mrô tuai mơ̆ng Việt Nam nao ngui pơ čar Kur, ñu ăt čang rơmang Việt Nam kah pơpha tơlơi thâo rơgơi čơkă tuai pơ anăp anai./.