Pơhiăp amăng mông jơnum, khua git gai pơ ala mơnuih ƀôn sang dêh čar Vương Đình Huệ lăi lĕ, jơnum khua mua pơ ala thun hlăk ai rŏng lŏn tơnah tal 9 lĕ bruă mă pơtom hiăp lu dêh čar prong hloh mơ̆ng anom bruă khua pơ ala mơnuih ƀôn sang dêh čar Việt Nam pô pơphun amăng thun 2023. Jơnum anai hơmâo ba glăi boh tŭ yua lu biă mă, rơngiao hăng tơlơi čang rơmang, djru pôr pơthâo rup rap lŏn ia bă hră rŏn lŏn tơnah thâo krăn hăng hluh kơ dêh čar, ană mơnuih djuai ania Việt Nam, kơ anom bruă khua pơ ala mơnuih ƀôn sang dêh čar, kơ gru grua Việt Nam.

Khua git gai pơ ala mơnuih ƀôn sang dêh čar Vương Đình Huệ ăt lăi lĕ, ƀơi mông jơnum, ƀing ngă khua pơ ala thun hlăk ai rŏng lŏn tơnah jơnum tal 9, khua mua pơ ala mơnuih ƀôn sang dêh čar Việt Nam hơmâo ruah djơ̆ akŏ tơlơi jơnum pơblih yua mrô hăng pơblih hơdră pơčeh phrâo. Akŏ tơlơi anai, ngă pơhưč kơ lu khua mua rai jơnum. Tui hăng Khua git gai pơ ala mơnuih ƀôn sang dêh čar, mơ̆ng bruă mă pơtom hiăp lu bơnah, lu dêh čar tal anai, ƀing pơ ala mơnuih ƀôn sang dêh čar Việt Nam hơmâo pơphun lu tơlơi jơnum yôm phara pơkŏn.