Amăng mông jơnum Khul khua mua pơ ala mơnuih ƀôn sang dêh čar djop dêh čar ASEAN tal 43, hơmâo ƀing khua mua pơ ala amăng Khul nao jơnum hrom, Khua git gai pơ ala mơnuih ƀôn sang dêh čar ta ơi Vương Đình Huệ, Khua git gai pơ ala mơnuih ƀôn sang dêh čar Kur, ơi Samdech Heng Samrin hăng Khua git gai pơ ala mơnuih ƀôn sang dêh čar Lao, ơi Saysomphone Phomvihane hơmâo kĭ pôr hrom hăng khua git gai pơ ala mơnuih ƀôn sang hơdôm dêh čar Kur, Lao, Việt Nam, tal blung a akŏ pơjing bruă mă jơnum khua mua pơprong rĭm tơđar klâo boh dêh čar.

Bruă akŏ pơjing tơlơi phiăn ngă hrom jơnum khua mua pơprong dêh čar Kur, Lao, Việt Nam djơ̆ hăng tơlơi lăng nao mơ̆ng hlâo laih hơdôm gưl rơnuk khua mua git gai pơ ala dêh čar klâo boh dêh čar. Tui hăng anun, Jơnum khua mua pơprong pơ ala mơnuih ƀôn sang dêh čar Kur, Lao, Việt Nam dưi pơphun dua thun sa wơ̆t yua khua mua git gai pơ ala mơnuih ƀôn sang klâo boh dêh čar djơ̆ lăp hăng tơlơi lăng hlâo mơ̆ng hơdôm rơnuk khua git gai pơ ala mơnuih ƀôn sang klâo boh dêh čar.