Pơhiăp đĭ ƀơi mông jơnum git gai, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, bruă prăp lui ruah khua truh ră anai ƀuh rơđah hơmâo prăp rơmet giong laih, djơ̆ hnơ̆ng pơkă, pok pơhai sa amăng plĕ, tong ten. Lu tơring čar, ƀôn prong hơmâo ngă tui djơ̆ hmao kru lăi pơthâo kah hăng tơring čar Thái Nguyên, Bắc Ninh, Hà Nội, Hải Phòng, Lạng Sơn, Đà Nẵng, Lâm Đồng, Dak Lak, An Giang.

Khua git gai pơ ala mơnuih ƀôn sang dêh čar ăt pơtă pơtăn Ding jum bruă čar, kơtưn hyu sem lăng, pel ĕp, krăp lăng bruă in pơkra hră kơtri, plĕ ruah, hơdrôm hră čih klah čun anăn, anih dŏ, tơlơi dŏ dong ƀong huă, bruă mă, hrăm hră hăng bruă či ngă mơ̆ng ƀing tơbiă anăn pioh ruah ngă pô pơ ala, kiăng huăi hơmâo tơlơi soh glăi; pơtrut ba yua boh thâo ia rơgơi tơlơi pơhing phrâo, ngă tui lu hơdră bưp mơnuih ruah khua, đing nao ngă tui hơdră online brơi lu mơnuih ƀôn sang pơhmư̆ hrŏm. Hrơi blan pơ anăp, bruă či kiăng khom ngă bruă ƀu dưi ngă amưng, sư̆ rơbư̆ ôh, pơphun klă mông jơnum bưp nao rai mơnuih ruah khua, kiăng ngă djơ̆ tơlơi dưi, bơkơnar djơ̆ tơlơi phiăn mơ̆ng mơnuih ƀôn sang.