Pơhiăp ƀơi mông jơnum, ơi Vương Đình Huệ, Khua git gai pơ ala mơnuih ƀôn sang dêh čar đăo kơnang Keh prăk VIFOTEC ăt amra jing atur kơ tơlơi hor hơduah ĕp kơsem min pơčeh phrâo ia rơgơi kơ djop mơnuih ƀôn sang, pơtrut bruă thâo pơčeh phrâo hăng djop rơnuk hlăk ai čơđai amăng dêh čar, djru kơ ƀing hlăk ai čơđai muai jing pô kơ lŏn ia, pơčeh phrâo bruă mă tơdơi anăp, djru  prong amăng bruă man pơdong lŏn ia kơdrưh kơ-ang hăng pơđĭ kyar.

Khua git gai pơ ala mơnuih ƀôn sang dêh čar ơi Vương Đình Huệ jao 4 pri mrô sa VIFOTEC

Kiăng pơtrut pran jua hur har kơsem min, pơčeh phrâo ia rơgơi kơ lŏn ia, Khua git gai pơ ala mơnuih ƀôn sang dêh čar rơkâo Keh prăk anai pơtum pơđĭ tui boh tŭ yua, kơnuih mơ̆ng bruă apah bơni, pơplông kiăng anăp nao ĕp lu ring bruă, pơčeh phrâo ia rơgơi dưi mă yua sit nik; hơdôm bruă mă pơdjơ̆ nao kơ boh thâo ia rơgơi phrâo tơlơi pơhing djop bruă mă. Hơmâo 45 ring bruă hiam klă hloh dưi tŭ mă Tơlơi apah bơni pơčeh phrâo ia rơgơi Việt Nam thun 2021.