Tlam mơmŏt tom brơi (15/10), ƀơi Ƀirô mă bruă, Khua git gai pơ ala mơnuih ƀôn sang dêh čar ơi Vương Đình Huệ git gai mông čơkă yôm phăn hăng pơphun jơnum bơkơtuai hăng khua mua pơprong dua bơnah. Amăng mông jơnum, ơi Vương Đình Huệ lăi rơđah, Ƀirô Khua pơ ala mơnuih ƀôn sang dêh čar Việt Nam čang rơmang hăng lăng yôm tal rai čuă, anai lĕ bruă yôm phăn, pơgôp hơkrŭ glăi, kơtưn tơlơi rô nao rai giang mah-ngă hrŏm kơplah wah dua Ƀirô Khua pơ ala mơnuih ƀôn sang dêh čar lăi phara hăng dua boh dêh čar Việt Nam-Nga hnun mơn.

Dua bơnah hơmâo tơlơi rô nao rai ngă hrŏm yôm phăn djop mơta hăng dưi lăng jing gơyut gơyâo hiam klă. Yua anun, dua Ƀirô Khua pơ ala mơnuih ƀôn sang dêh čar kiăng pơgôp lu dong amăng bruă pơtrut tơlơi rô nao rai dua bơnah, Dua boh dêh čar kiăng ĕp hơdră ngă hrŏm phrâo kiăng tơlơi rô nao rai dua bơnah jai hrơi pơđĭ kyar, amăng anun hơmâo tơlơi rô nao rai bơwih ƀong huă, sĭ mơdrô, tuh pơ alin.