Khua git gai pơ ala mơnuih ƀon sang dêh čar nao jơnum Khul pơlir Ƀirô Khua pơ ala mơnuih ƀon sang hơdôm boh dêh čar kual Đông Nam Á tal 43
Thứ ba, 10:52, 22/11/2022
VOV/Siu Đoan Pơblang
VOV/Siu Đoan Pơblang
VOV4.Jarai - Tlam lơ 21/11, ƀơi plơi prong jưh jom Phnôm Pênh, dêh čar Kur, amăng jơnum Khul pơlir Ƀirô Khua pơ ala mơnuih ƀon sang hơdôm dêh čar kual Đông Nam Á tal 43 (AIPA 43), Khua git gai pơ ala mơnuih ƀon sang dêh čar ơi Vương Đình Huệ hơmâo nao jơnum hăng đĭ pơhiăp amăng mông jơnum abih bang lok 1.
Amăng mông jơnum abih bang lok 1, Khua git gai pơ ala mơnuih ƀon sang dêh čar ơi Vương Đình Huệ hơmâo ba tơbiă 5 tơlơi rơkâo yôm phăn, amăng anun kiăng đing nao tơlơi yôm mơng bruă hơkrŭ glăi pran gum pơgôp laih dong gơgrong jing akŏ phun mơng kual ASEAN amăng bruă pơhlôm rơnuk rơnua hăng hơđong amăng kual, anai lĕ bruă kiăng hloh.
Khua pơ ala mơnuih ƀon sang dêh čar čang rơmang, hơdôm Ƀirô Khua pơ ala mơnuih ƀon sang dêh čar kiăng gir run, gơgrong đing nao pơtrut bơkơnar đah rơkơi đah kơmơi, kơtưn tơlơi dưi mơng đah kơmơi, pok pơhai tŭ yua hơdôm hơdră bruă, tơlơi phiăn pơhlôm bơkơnar đah rơkơi đah kơmơi, jak iâu hơmâo lu dong tơlơi pơgôp hiăp hăng gum hrŏm mơng đah kơmơi, hlăk ai amăng hơdôm anom bruă čih pơkra tơlơi phiăn.
Viết bình luận