Thun 2023, Anom bruă Khua pơ ala mơnuih ƀôn sang hơmâo pơphô bruă, djru brơi, pơphun truh kih 5 tal jơnum hơmâo 3 jơnum ƀu tui tơđar hăng 2 tal jơnum tui tơđar; 15 tal jơnum mơng Jơnum min Khua pơ ala mơnuih ƀôn sang; 25 jơnum mơng Ping gah Khua pơ ala mơnuih ƀôn sang; 04 grup krăo lăng bruă mă mơng Ƀirô Khua pơ ala mơnuih ƀôn sang, Jơnum min Khua pơ ala mơnuih ƀôn sang hăng hơdôm mông jơnum prong amăng lŏn ia, jar kmar anun lĕ: Jơnum bơwih ƀong-mơnuih mơmam Việt Nam 2023; jơnum lông lăng “Khua pơ ala mơnuih ƀôn sang lĕ ƀing čơđai” tal I thun 2023; Jơnum čơđai tar ƀar rŏng lŏn tơnah tal 9, Jơnum grup črâo ba pơlir hơbit khua pơ ala Khul hơdôm boh dêh čar Ngŏ Dơnung Asia (AIPA Caucus) tal 14.

Hơdôm boh tơhnal yôm phăn anai pơgôp yôm phăn ba glăi tơlơi truh kih mơng Ƀirô Khua pơ ala mơnuih ƀôn sang dêh čar thun 2023. Hăng ăt tŭ ư hăng 11 bruă jao thun 2024 mơ̆ anom bruă Khua pơ ala mơnuih ƀôn sang ba tơbiă, Khua git gai pơ ala mơnuih ƀôn sang dêh čar rơkâo hơdôm anom bruă kiăng tŏ tui gir run kiăng thun tơdơi pơgiong bruă jao klă ƀiă thun hlâo anun.