Amăng mông ngă lơphet pioh hơdor, pơ ala brơi khua mua Ping gah, Kơnuk kơna, Khua git gai pơ ala mơnuih ƀôn sang dêh čar ơi Vương Đình Huệ jao miđai mă bruă mrô I brơi ƀing čih tơlơi pơhing khua mua pơ ala mơnuih ƀon sang. Hră pơhing khua mua pơ ala mơnuih ƀon sang ƀuăn amra tŏ tui lĕ mơta, tơngia, pơmĭn hrŏm, pơlăi nao rai, jing tơngan gah hơnuă gum hrŏm hăng mơnuih ƀon sang đơ đam dêh čar.

Đĭ pơhiăp amăng mông ngă lơphet, Kơ-iăng Khua git gai pơ ala mơnuih ƀôn sang dêh čar ơi Trần Thanh Mẫn rơkâo, amăng thun blan pơplih yua boh thâo phrâo hăng mut hrŏm jar kmar glăk jai hrơi kơtang tui ră anai, rĭm čô mơnuih apăn bruă, ƀing čih tơlơi pơhing, dăp hơdră mơng anom bruă pơhing kiăng hluai tui mă yua boh thâo măi mok, tŭ mă klă hloh hơdôm tơlơi gal phara, pôr pơhing brơi lăp djơ̆, tơpă sit, tañ hloh hăng djop mơta, pơhưč lu mơnuih, kiăng hră pơhing khua mua pơ ala mơnuih ƀôn sang jing sa amăng hơdôm anom bruă čih tơlơi pơhing ba jơlan hlâo amăng pơplih mă yua boh thâo phrâo đơ đam dêh čar.